AM:08:22:10/03/2022
2804 جار خوێندراوەتەوە
سندوقی نەختی نێودەوڵەتی رایگەیاند، بڕی یەک ملیار و ٤٠٠ ملیۆن دۆلار وەک بەخشینی خێرا دەداتە ئۆکرانیا.
ئەمڕۆ پێنجشەممە، سندوقی نەختی نێودەوڵەتی لە راگەیەنراوێکیدا ئاماژەی بەوەدا، ئەنجومەنی جێبەجێکاری سندوقەکە رەزامەندی دەربڕیوە لەسەر پێدانی بڕی یەک ملیار و ٤٠٠ ملیۆن دۆلار بە ئۆکرانیا.
ئەوەشی خستووەتەڕوو، پێدانی ئەم پارەیە لە چوارچێوەی پارەدارکردنی خێرادایە
بەمەبەستی پڕکردنەوە و دابینکردنی پێداویستییەکانی ئۆکرانیا بەشێوەیەکی خێرا و پشتگیری کردنی دۆخی ئابوری ئەو وڵاتەیە کە
بەهۆی جەنگەوە توشی قەیران بووە.
ئەمەش لەکاتێکدایە، هێرشەکانی
روسیا بۆ سەر ئۆکرانیا بەردەوامە و ئەو وڵاتە بەردەوام داوا لە ئەمریکا و ناتۆ دەکات
ناوچەی دژەفڕین بۆ ئۆکرانیا دابین بکەن تا زیانەکانی روسیا بۆ سەر سوپا و خەڵکی ئۆکرانیا
کەمتر ببێتەوە.
