PM:01:16:07/02/2026
912 جار خوێندراوەتەوە
وتەبێژی دەوڵەتی یاسا دەڵێت، کاندیدکردنی نوری مالیکی مافێکی رەوا و دەستورییە و پێچەوانەکەشی هەردەبێت بەپێی دەستوور بێت نەک بە هەڕەشە و فشار.
ئەمڕۆ شەممە ٧ـی شوباتی ٢٠٢٦، هیشام رووکابی، وتەبێژی دەوڵەتی یاسا لە لێدوانێکدا رایگەیاند، هیچ لادان و نادەستورییەک لە کاندیدکردنی مالیکیدا نییە و بۆ پۆستی سەرۆک وەزیران و ناشتوانرێت بە هەڵمەت و چەواشەکاریی لە پرسەکە دووربخرێتەوە.
ئاماژەی
بەوەشکردووە، پەسەندکردن و نەکردنیشی بۆ پۆستی سەرۆک وەزیران پێویستە لەڕێگەی دەستورەوە
بێت نەک لەڕێگەی ڤیتۆ و هێرشیی کەسیی و فشاری دەرەکیی.
وتەبێژەکەی دەوڵەتی
یاسا دەشڵێت، مافی کاندیدکردن بنەمایەکی دیموکراسییە و رێزگرتن لە دیموکراسییەت لەوەوە
دەستپێدەکات، بەبێ گوێدانە هەڵوێست کاردانەوەکان.
