وتیشی، لە ئێوارەی دووشەممەوە ١٩ـی ١، لە ئەنجامی هاتنەخوارەوەی بارستەهەوایەکی سارد لە رۆژهەڵاتی ئەوروپاوە بۆ سەر دەریای رەش و تورکیا و ناوچەکانی باکووری ئێران و هەرێم، جارێکی دیکە شەپۆلێکی سەرما لە ناوچەکانمان دەستپێدەکاتەوە و لەگەڵ بەردەوامیی کاریگەریی نزمەپاڵەپەستۆی دەریای ناوەڕاست بە لاوازی ئەگەر هەیە لە ئێوارەی دووشەممە تا ئێوارەی سێشەممە، ٢٠ـی ١ بەشێوەی پچڕپچڕ بەفر لە سەنتەری شاری هەولێر، دهۆک، سلێمانی، هەڵەبجە و ناوچەکانی سنووری ئیدارەی سۆران و راپەڕین ببارێت، هەروەها ناوچەکانی رۆژهەڵاتی کەرکوک و باکووری گەرمیانیش ئەگەری هەیە، واتا لە بەرزیی ٤٠٠ مەتر ئاستی رووی دەریا، ئەگەری بارینی بەفر هەیە، بەڵام بەگشتی رێژەی بارینی بەفرەکە کەم دەبێت لە سەنتەری دهۆک، هەولێر، رۆژهەڵاتی کەرکوک و ناوچەکانی باکووری گەرمیان پروشەی کەم دەبێت.

ئاماژەی بەوەشکرد، لە سەنتەری سلێمانی، هەڵەبجە و ناوچەکانی ئیدارەی راپەڕین و سۆران ناوچە شاخاوییەکان، رێژەکەی زیاتر دەبێت لەنێوان ٢ تا ٦ سم، ئەگەری بارینی بەفر دەبێت و ئێوارەی سێشەممە ٢٠ـی ١، کۆتایی بەو شەپۆلە دێت لەگەڵ ئەگەری گۆڕانکاری.

باسی لەوەشکرد، بەگشتی تا کۆتایی مانگ ئەگەری هاتنی چەند شەپۆلێکی دیکەی بەفر و بارانبارین دەبێت، بەتایبەت لە کۆتاییەکانی مانگدا، ئەگەری بەهێزبوونەوەی شەپۆلەکانی بەفر و بارانبارین دەبێت ، مانگی یەکی ئەمساڵ بە گشتی مانگێکی ساردتر دەبێت لە ئاسایی.