ئەنجوومەنی گەڕەکە کوردییەکانی شێخ مەقسوود و ئەشرەفییە لە حەلەب دەڵێت، بڕیاریان داوە بمێنینەوە و بەرگری دەکەن، ئەم هێرشانە مانای گۆڕینی پێکهاتەی دیمۆگرافی شارەکە و تێکدانی رێککەوتنی یەکی نیسانە.
ئەمڕۆ هەینی ٩ـی کانونی دووەمی ٢٠٢٦، ئەنجوومەنی گەڕەکە کوردییەکانی شێخ مەقسوود و ئەشرەفییە لە حەلەب راگەیێندراوێکیان بڵاوکردەوە وتیان، داوا لە گەلەکەیان دەکەن کە لەگەڵیان بوەستن و کۆببنەوە بۆ بەرگریکردن لە گەڕەکەکانیان.
وتیشی، ئەم
بۆردومانە مزگەوتەکان، قوتابخانەکان، نەخۆشخانەکان، ماڵە مەدەنییەکان، و دامەزراوە
خزمەتگوزارییەکانی کردووەتە ئامانج، ئامانجی ئەم هێرشانە کۆمەڵکوژی دژی گەلەکەیان
و دەستپێکردنی شەپۆلێکی نوێی ئاوارەبوونی زۆرەملێیە، متمانەیان بە حکومەتی دیمەشق
نییە کە ئاسایشی خۆیان بە ئەوان بسپێرێت، بۆیە بڕیاریان داوە لە گەڕەکەکانیان
بمێنینەوە و بەرگرییان لێ بکەین.
ئاماژەی
بەوەشکرد، حکومەتی کاتی بە پشتیوانی دەوڵەتی تورکیا هێرشەکانی ئەنجام دەدات و ئەم
هێرشانە مانای گۆڕینی پێکهاتەی دیمۆگرافی شارەکە و تێکدانی رێککەوتنی یەکی نیسانە،
لە هێرشەکاندا ژن و منداڵ هەیە، نەخۆشخانەی گەڕەکیش کراوەتە ئامانج و ئەمە تاوانی
جەنگە.
باسی لەوەشکردووە،
بە توندی ئیدانەی بێدەنگی نێودەوڵەتی ئەو زلهێزانە دەکەن کە لە رێککەوتنەکانی ١٠ی
ئازار و یەکی نیساندا ئامادەبوون.