AM:09:31:10/12/2025
1524 جار خوێندراوەتەوە
کەشناسی دەڵێت، بارانبارین سبەینێش بەردەوام دەبێت و پێشبینیش دەکرێت لە ناوەڕاستی ئەم مانگەشەوە شەپۆلێکی بەفربارین ناوچەکانی هەرێمی کوردستان بگرێتەوە.
ئەمڕۆ چوارشەممە ١٢ـی کانونی یەکەمی ٢٠٢٥، کەشناسیی هەرێم دەڵێت، شەپۆلی بارانبارین ئەمڕۆ و سبەینێش بەردەوام دەبێت و کاریگەری شەپۆلەکە بەسەر ناوچەکانی هەرێمی کوردستانەوە دەمێنێتەوە، هاوکات لای خۆشیەوە ئاماری بارانبارینی کاتژمێر ٩ـی بەیانی تا ٩ـی ئەمشەوی بڵاوکردەوە و وتی، لە چەمچەماڵ و دەربەندیخان زیاتر لە٨٠ ملیم و لە سلێمانی ٥٣ ملیم و لە هەولێر ١٤ ملیم و لە هەڵەبجەش ١٢.٤ ملیم باران باریوە.
هاوکات، پێشبینیش دەکرێت لە دوای ١٥ـی مانگ بارستە هەوایەکی ساردی جەمسەری باکوور دابەزێت،
پلەکانی گەرما دەچێتە ژێرسفر، دەبێتە هۆی دروست بوونی شەپۆلێکی بەفرو باران و روو لە
ناوچەکانی هەرێمی کوردستان دەکات و لە ناوچە شاخاویەکان بەفر دەبارێت.
