ئێستا هەر بتکۆینێک بە ٩٧ هەزار و ١٨٠ دۆلارە، لەکاتێکدا ئێوارەی دوێنێ بە ١٠٣ هەزار و ٢٥٠ دۆلار بوو.
ئەمڕۆ هەینی ١٤ـی تشرینی دووەمی ٢٠٢٥، گرنگترین دراوی ئەلیکترۆنی بە ٩٧ هەزار و ١٨٠ دۆلار مامەڵەی پێوەدەکرێت، ئەمەش نزمترین ئاستی نرخی بتکۆینە لە شەش مانگی رابردوودا.
سەرلەبەیانی ئەمڕۆ، بتکۆین ئاستی ٩٦ هەزار و ٥٠٠
دۆلاریشی تۆمارکردبوو، هەر بۆیە نزیکە لەوەی بۆ سێیەمین جار لەسەر یەک دابەزی، لەکاتێکدا ئێوارەی دوێنێ بە ١٠٣ هەزار و ٢٥٠ دۆلار بوو.
کەمبوونەوە یان خاوبوونەوەی کڕینی بیتکۆین لە لایەن دامەزراوە
داراییەکانەوە هۆکارێکی دابەزینی نرخی بتکۆینە و بە پێی ئامارەکان، دوێنێ نزیکەی ٨٩٧
ملیۆن دۆلار سەرمایە لە بازاڕی دراوە دیجیتاڵییەکان هێنراوەتە دەرەوە.