تەندروستی هەرێم دەڵێت، حاڵەتێکی دیکە بە تووشبوونی نەخۆشی تای خوێنبەربوون لە دهۆک تۆمارکراوە و تا ئێستا دۆخی تەندرووستی تووشبووەکە جێگیرە؛ داوا لە هاوڵاتییانیش دەکات کە پابەند بن بە رینماییەکانی وەزارەتەکەوە.
ئەمڕۆ شەممە ٣٠ـی ئابی ٢٠٢٥، وەزارەتی تەندروستی هەرێم بڵاویکردەوە، هاوڵاتییەکی دانیشتووی شاری سیمێل، بەهۆی بەرکەوتنی بە ئاژەڵی تووشبووەوە، بە زووترین کات سەردانی نەخۆشخانەی دهۆکی کردووە و نیشانەکانی نەخۆشییەکەش لە جەستەی دەرکەوتوون.
وتیشی،
هاوڵاییەکە تەمەنی ٤٣ ساڵە و پیشەی قەسابە، دوای سەردانی نەخۆشخانە چەندین رێکاری
دەستنیشانکردن و چارەسەری پزیشکی بۆ گیراوەتەبەر، لەئێستادا لەژێر چاودێری پزیشکی
لە نەخۆشخانە خەوێندراوە و چارەسەر وەردەگرێت و باری تەندروستی جێگیرە.
تەندروستی
هەرێم داوا لە هاوڵاتیان دەکات، پابەند بن لەسەر جێبەجێکردنی رێنماییەکانی
وەزارەتی تەندروستی و لەکاتی بوونی گومان و نیشانەکانی نەخۆشی لەسەر ئاژەڵ پێویستە
تیمەکانی ڤێترنەری ئاگاداربکەنەوە، وە یان هاوڵاتیانی بەرکەوتووانی بەخێوکردنی
ئاژەڵ یان بەرهەمەکانی ئاژەڵ لەکاتی بوونی هەر نیشانەیەکی ناتەندروست، بەخێرایی
سەردانی نەخۆشخانەکان بکەن بێ دواکەوتن.
تا
ئێستا دوای بوونی چەندین حالەتی گومانلێکراوی نەخۆشی تای خوێنبەربوون لە هەرێم و
هاتنیان بۆ نەخۆشخانە و بەدواداچوون و پشکنین بۆ گومانلێکراوانی ئەمساڵدا لە ماوەی
رابردوو، دەرئەنجام نۆ حالەت دەسنیشانکراون و پشتڕاستکراوەتەوە، کە دوو
حالەتیان لەبەر قورسی باری تەندروستی گیانیان لەدەستداوە و حالەتەکانی دیکە بەتەواوی
چاکبوونەتەوە.