PM:12:09:30/08/2025
1544 جار خوێندراوەتەوە
سەرەرای زۆریی نارەزایی هاوڵاتیان لە گرانی نرخەکەی، حکومەتى ماوەبەسەرچوو بەردەوامە لە فراوانکردنی پرۆژەى کارەبا گرانەکە و لە ئێستاشدا تەواوی پارێزگای هەڵەبجەی گرتووەتەوە.
ئەمڕۆ شەممە ٢٠ـی ئابی ٢٠٢٥، وەزارەتی کارەبای هەرێم دەڵێت، هەڵەبجە وەک یەکەمین پارێزگای هەرێمی کوردستان بەتەواوی چووەتە ناو پرۆژەى رووناکیی، کە لەلای هاوڵاتیان بە کارەبا گرانەکە ناسراوە.
هاوڵاتییانی هەرێم لە سێ مانگدا یەک مووچەیان
وەرگرتووە و گوزەرانیان تا دێت خراپتر دەبێت، حکومەتی ماوەبەسەرچووش لە رێگەی ئەم
پڕۆژەیەوە ١٣ هێندە نرخی کارەبای لەسەر هاوڵاتییان گرانکردووە.
ئەوە جگە لە کوژانەوەى لەناکاوی کارەبا بەناو
٢٤ کاتژمێرییەکە، لەکاتێکدا موەلیدە ئەهلیەکان هەڵگیراون و هاوڵاتیان هیچ
کارەبایەکی دیکەیان نییە، تا ئێستا چەند جارێک لە هەولێر و سلێمانی و دهۆک بۆ ماوەی
چەندین کاتژمێر لەم وەرزی گەرمایە کارەبا کوژاوەتەوە.
