هەروەها، كۆمپانیای شاماران کە کۆمپانیایەکی کەنەدییە و لە هەردوو کیڵگەی ئەتروش و سەرسەنگ کار دەکات باسی لەوەکردووە، کە لە هەردوو کێڵگەکە بەرهەمهێنانی نەوت دەستیپێکردووەتەوە، بەشێوەیەک لە کیڵگەی ئەتروش بە تەواوی توانایەوە نەوت بەرهەمدەهێنرێت کە رۆژانە زیاتر لە ٣٠ هەزار بەرمیلە، هەرچی کیڵگەی سەرسەنگیشە لە ئێستادا بە نیوەی توانایەوە بەرهەمهێنانی دەستپێکردووەتەوە.

سەبارەت بە داهاتی نانەوتیش، بڕیارە ئەمڕۆ شاندی حکومەتی ماوەبەسەرچوو لەگەڵ تەیف سامی کۆببنەوە، شاندەکەی هەرێم لە کۆبوونەوەی دوێنێیدا لەگەڵ دیوانی چاودێری و داوایانکردووە ١٢٠ ملیارەکە تەنها بۆ مانگی شەش رادەستبکەن و لە مانگی حەوت و مانگەکانی تر کەمتر بدەن.

هەرێم دەڵێت، ٥٠٪ـی داهاتە فیدراڵیەکان رادەست دەکەن، نەک ٥٠٪ـی داهاتی ناوخۆ، لە کاتێکدا بەپێی رێککەوتنەکە، دەبوو مانگانە ١٢٠ ملیار دینار بدرێت بە بەغدا تا ئامادەکردنی راپۆرتی لیژنە هاوبەشەکانیش بەغدا داوای ٥٠٪ـی داهاتی ناوخۆ دەکات نەک داهاتی فیدڕاڵی.

یەکلاکردنەوەی پرسەکەش پەیوەستە بە کۆبوونەوەکەی ئەمڕۆوە، ئەگەر شاندەکەی هەرێم لەگەڵ تەیف سامی بگەنە رێککەوتن ئەوا یەکشەممە لە کۆبوونەوەی ئەنجومەنی وەزیرانی عێراق، بڕیاری خەرجکردنی مووچەی مانگی شەش دەدرێت، بەڵام ئەوەی تا ئێستا هەیە ئەوەیە هەرێم داوای گۆرانکاری لە رێکەوتنەکە دەکات ئەمەش وەک گرفت دروستکردن بۆ مووچە لێکدەدرێتەوە.