PM:03:06:04/08/2025
4252 جار خوێندراوەتەوە
وەزارەتی دارایی عێراق دەڵێت، دابەشکردنی مووچەی مانگی هەشت بۆ خانەنشینانی مەدەنی و سەربازی دەستیپێکرد و مووچەی مووچەخۆرانی هەرێم گەرەنتی کراوە.
ئەمڕۆ دووشەممە ٣ـی ئابی ٢٠٢٥، وەزارەتی دارایی عێراق بڵاویکردەوە، رێکارەکانی گواستنەوەی پارەیان بۆ دەستەی نیشتمانیی خانەنشینی تەواوکردووە، بۆ ئەوەی لە رێی بانکەکانەوە بەسەر خانەنشیناندا دابەش بکرێت.
وتیشی، بە هۆی
پشووی بانکەکانەوە دابەشکردنی مووچە چەند رۆژێک دواکەوتووە و جەختیشیکردەوە کە
مووچە تا کۆتایی ساڵی دارایی زامنکراوە و ئەو دەنگۆیانەش کە باس لە نەبوونی دراوی
نەختینە دەکەن، ناڕاستن.
هاوکات دارایی عێراق لەبارەی مووچەی فەرمانبەرانی هەرێم دڵنیایی دەدات و دەڵێت، مووچەی فەرمانبەرانی هەرێم گەرەنتی کراوە
ئەمەش لەکاتێکدایە، دوای دوو هەفتە لە رێککەوتنەکەی لەگەڵ
بەغدا هێشتا حکومەتی ماوەبەسەرچوو پابەند نەبووە بە رادەستکردنی نەوت و داهاتى
ناوخۆ، لە نوێترین پێشهاتیشدا رێگریکرد لیژنەیەکى بەغدا لێکۆڵینەوە لە داهاتى
ناوخۆ بکەن.
