PM:09:39:26/07/2025
1976 جار خوێندراوەتەوە
سەرۆک وەزیرانی عێراق دەڵێت، رێگە بە هیچ تاک و قەوارەیەک نادەن لەسەر بنەمای ئایین یان بیروباوەڕ، پێوەر و پۆلێنکردن بۆ کۆمەڵگا دابنێت، هەروەها سنووردارکردنی هەڵگرتنی چەک لە دەستی دەوڵەتدا، پایەی بنەڕەتی دەوڵەتێکی بەهێز و شکۆمەندە، هیچ لایەنێک مافی دەستبەسەرداگرتنی ئەم بڕیارە و جێگرتنەوەی دەوڵەت و دەسەڵاتدارانی نییە.
ئەمڕۆ شەممە ٢٦ـی تەمموزی ٢٠٢٥، محەمەد شیاع سودانی، سەرۆک وەزیرانی عێراق لە میانی بەشداریکردن لە یادی شۆڕشی بیستەم لەگەڵ سەرۆک هۆزکانی پارێزگای بابل وتی،دیارترین تایبەتمەندیەکانی شۆڕشی بیستەم پشتبەستن بە فەتوای مەرجەعییەتی باڵای ئایینی و هەڵویستی باشی هۆزەکان لە هەمو پێکهاتەکان بوو.
ئاماژەی
بەوەشكرد، ئەو ئاسایش و سەقامگیرییەی ئەمڕۆ دەیبینین، لە سایەی خوێنی
شەهیدانەوەیە، کە لە شەڕی دژی دەسەڵاتی دیکتاتۆرەوە دەستیپێکرد تاکو کۆتایی شەڕی
تیرۆر، مەرجەعییەتی باڵای ئایینی ئامادە بووە لە بنیاتنانی دەوڵەتدا لە رێگەی
چەندین رێنمایی و ئامۆژگارییەوە.
باسی لەوەشكرد،
رێگە بە هیچ تاک و قەوارەیەک نادەن لەسەر بنەمای ئایین یان بیروباوەڕ، پێوەر و
پۆلێنکردن بۆ کۆمەڵگا دابنێت و هیچ کەسێک لە پاراستنی ئاسایش و یەکڕیزی و سەروەری
وڵاتدا خۆی لە رۆڵەکانی گەل بە زیاتر نەزانێت.
ئەوەشی خستەڕوو،
سنووردارکردنی هەڵگرتنی چەک لە دەستی دەوڵەتدا، پایەی بنەڕەتی دەوڵەتێکی بەهێز و و
شکۆمەندە، هیچ لایەنێک مافی دەستبەسەرداگرتنی ئەم بڕیارە و جێگرتنەوەی دەوڵەت و
دەسەڵاتدارانی نییە.
دەشڵێت، پێویستە
لە ئاستێکی بەرزی هۆشیاری و تێگەیشتن بن لە مەترسی دۆخ و ئاستەنگەکانی ناوچەکە، پابەند
بووین بە سیاسەتی ژیرانە و هاوسەنگی لە نێوان هەڵوێستی پرەنسیپیان لە رەتکردنەوە
دەستدرێژییەکان و هەوڵە سیاسی و یاسایی و میدیایی و فریاگوزارییەکانیان.
