AM:10:06:06/07/2025
3412 جار خوێندراوەتەوە
چاوگێکی ئەمنی بە ئێن ئاڕ تی راگەیاند، تەرمی هاوڵاتییەک لە رێگایەکی نێوان ناحیەی بنەسڵاوە و دارەتوو بە کوژراوی دۆزرایەوە.
ئەمڕۆ یەکشەممە ٦ی تەنمموزی ٢٠٢٥، چاوگێکی ئەمنی بە ئێن ئاڕ تی وت، لە سنووری نێوان ناحیەی بنەسڵاوە و دارەتوو سەر بە پارێزگای هەولێر، شەوی رابردوو تەرمی هاوڵاتییەک دۆزراوەتەوە و بە پێی زانیارییە سەرەتاییەکان، هەشت شوێن گوللە بە جەستەیەوە بووە.
چاوگەکە ئاماژەی بەوەشکرد، هاوڵاتییەکە خەڵکی کەرکوکە و نیشتەجێبووی هەولێرە و
خاوەنی سێ منداڵە.
وتیشی، هەر شەوی رابردوو تەرمەکەی گواستراوەتەوە بۆ پزیشکی دادی و لێکۆڵینەوە لەبارەی دۆسیەکە بەردەوامە.
