PM:02:41:13/05/2025
1436 جار خوێندراوەتەوە
وەزارەتی دەرەوەی ئێران دەڵێت، "پێشوازی لە هەڵوەشاندنەوەی پارتی کرێکارانی کوردستان (پەکەکە) ده‌كەین و بە "هەنگاوێکی گرنگی دەزانین بۆ رەتکردنەوەی توندوتیژی و بەهێزکردنی ئاسایش".
ئه‌مڕۆ سێشەممە ١٣ـی ئایاری ٢٠٢٥، ئیسماعیل به‌قایی، وتەبێژی وەزارەتی دەرەوەی ئێران لە بەیاننامەیەکدا رایگه‌یاند، هیوادارن تەواوبوونی ئەم پرۆسەیە ببێتە هۆی بەرەوپێشبردنی سەقامگیریی و ئارامی لە تورکیاو ناوچەکەدا.
ئاماژەی بەوەشکرد، پێشوازی لە
هەڵوەشاندنەوەی پارتی کرێکارانی کوردستان (پەکەکە) ده‌كه‌ن و بە هەنگاوێکی گرنگه
بۆ رەتکردنەوەی توندوتیژی و بەهێزکردنی ئاسایش دەزانن.
ئەوەش لە کاتێکدایە، دوێنێ پارتی کرێکارانی کوردستان (پەکەکە) دوای نزیکەی ٤٨ ساڵ لە خەباتی سیاسی و چەکداری، بە شێوەیەکی فەرمی هەڵوەشاندنەوەی خۆی و چەکدانانی راگەیاند و کۆتایی بە شەڕی چەکداریی لەگەڵ تورکیا هێنا.
