PM:11:17:09/05/2025
1620 جار خوێندراوەتەوە
بانکی رافیدەین دەستپێکردنی پێدانی دۆلاری بە نرخی فەرمی بە حاجییان راگەیاند و دەشڵیت، بۆ هەر هاوڵاتییەک دوو هەزار دۆلار بە هەزار و ٣٢٠ دینار بۆ هەر دۆلارێک دەبێت.
ئەمڕۆ هەینی ٩ـی ئایارـی ٢٠٢٥، بانکی دەستپێکردنی پێدانی دۆلاری بە نرخی فەرمی بە حاجییان راگەیاند و وتیشی، ئەم هەنگاوە وەک ئاسانکارییەکە بۆ حاجییانی عێراق، بۆ ئەوەی بە ئاسانی دەستیان بە دراوی بیانی بگات پێش گەشتەکەیان.
هەروەها، داوا لە و هاوڵاتیانە دەکات کە بۆ حەج
دەچنە سعودیە، سەردانی لقەکانی بانکەکە بکەن و بەڵگەنامە فەرمییەکان لەگەڵ خۆیان
ببەن بۆ تەواوکردنی رێکارەکانی وەرگرتنی دۆلار.
باسی لەوەشکرد، پڕۆسەی پێدانی دۆلار بەپێی میکانیزمی
رێکخراو بەڕێوەدەچێت، به ئامانجی کەمکردنەوەی قەرەباڵخی و ئاسوودەیی حاجییان.
