AM:09:48:07/05/2025
1396 جار خوێندراوەتەوە
هاتووچۆی سلێمانی هەڵمەتی دەستبەسەرداگرتنی ماتۆرسکیلی بێسەرەتا و بێمۆڵەتی دەستپێکردوو و رایگەیاند، لە سەیدسادق چەند ماتۆڕسکیلێک دەستیان بەسەردا گیرا.
ئەمڕۆ چوارشەممە ٧ـی ئایاری ٢٠٢٥، بەڕێوەبەرایەتیی هاتووچۆی سلێمانی لە راگەیەندراوێکدا بڵاویکردەوە، لەسەر فەرمانی قائیمقامی سەیدسادق و بە هاوکاریی تیمەکانی ئاسایش و پۆلیس، تیمەکانی هاتووچۆ هەڵمەتێکیان بۆ دەستبەسەرداگرتنی ماتۆڕی بێسەرەتا و بێمۆڵەت دەستپێکرد.
هاتووچۆی سلێمانی باسی لەوەشکردووە، هەڵمەتەکە ئەو
ماتۆڕسوارانەش دەگرێتەوە کە لە شەقام و کۆڵانەکان و لەناو بازاڕی سەیدسادق خەڵکیان
بێزارکردووە.
ئاماژەی بەوەشکرد، لە هەڵمەتەکەدا، چەند
ماتۆڕسکیلێک دەستیان بەسەرداگیرا و رەوانەی گەراجی دەستبەسەرداگرتنی سلێمانی کران.
