سەرۆک وەزیرانی ئیسرائیل دەڵێت، وڵاتەکەی دەچێتە قۆناغێکی گرنگەوە لە شەڕ دژی حەماس، جەختیشی لەوە کردەوە کە ئیسرائیل ملکەچی مەرجەکانی حەماس نابێت و دەشزانن باجەکەی قورسە.
ئەمڕۆ شەممە ١٩ـی نیسانی ٢٠٢٥، بنیامین ناتانیاهۆ، سەرۆک وەزیرانی ئیسرائیل رایگەیاند، تا حـەمـاس لەناو نەبەین و بارمتەکان ئازاد نەکەین کۆتایی بە شەڕەکە ناهێنین.
ئاماژەی بەوەشکرد، ئەو شەڕەی ئیسرائیل دژی حەماس
ئەنجامی دەدات لە حەوت بەرەدا بەردەوامە و ئەو باجەی ئیسرائیل لەم شەڕەدا دەیدا
قورسە.
هاوکات لەبارەی رێکەوتنیان لەگەڵ حەماس، ناتانیاهۆ
پشتڕاستی کردووەتەوە کە حەماس پێشنیارێکی ئیسرائیلی بۆ ئاگربەست و ئازادکردنی
بارمتەکان رەتکردووەتەوە.
لەبارەی ئێرانیشەوە باسی لەوەکرد، ئیسرائیل
پابەندە بە رێگریکردن لە هەڵگرتنی چەکی ئەتۆمی لە ئێران، روونیشیکردەوە، ئەگەر
ئۆپەراسیۆنەکانی ئیسرائیل نەبوایە، ئێران ١٠ ساڵ لەمەوبەر دەیتوانی بۆمبی ئەتۆمی
دروستبکات.