سەرۆکی پێشووی فراکسیۆنی نەوەی نوێ، ئاماژەی بەوەشکرد، تا دووهەفتەی دیکە پەرلەمان کۆنەبێتەوە پەنا بۆ هەڵوەشاندنەوەی دەبەین، شەش مانگە هەڵبژاردن تەواوبووە و تا ئێستا پەرلەمان نەیتوانیوە بە رۆڵی خۆی هەڵبستێت.

وتیشی، نابێت پەرلەمان بەمشێوەیە بێت و وەکو نەوەی نوێ پەنا دەبەینەبەر دادگای عێراق بۆ هەڵوەشاندنەوەی و هاوڵاتییان دەنگیاندا بۆ ئەوەی حکومەتێک بێتە ئاراوە لە ئاستی داواکارییەکانیان بێت.

ئەوەشی خستەڕوو، بارودۆخی هەرێم بەوە تێکدەچێت رۆژانە ٣٥٠ هەزار بەرمیل نەوت بفرۆشێت و داهاتەکەی دیار نەبێت، پارتی و یەکێتی داهاتی ناوخۆ بۆ خۆیان دەبەن و ناگەڕێتەوە ناو خەزێنەی حکومەت، لە هیچ شوێنێکدا جیهاندا نییە حکومەتێک بە ئارەزووی خۆی داهات بەهەدەر بدات، نابێت حکومەت بە ئارەزووی خۆی نەوت بفرۆشێت و داهاتەکەی هەردوو حزبی دەسەڵات بڕوات و لە رابردوودا سەلماندوومانە ئەوەی نەوەی نوێ دەیکات فشار نییە کردارە.

هەروەها، ئەندامـی پێشووی ئەنجومەنـی پارێزگای هەولێر، باسی لەوەکرد، پارتی و یەکێتی دەتوانن ئەم هەرێمە زۆر بە باشی بەڕێوەببەن، ئاسایییە حکومەت کاربەڕێکەر بێت، ناکرێت حکومەت بچێتە ماڵەوە هەتا پارتی و یەکیتی رێکدەکەون بۆ پێکهێنانی کابینەی نوێ.

دەشڵێت، وەکو پارتی رێز لە بۆچوونی هەموو لایەنەکان دەگرن و پارتی و یەکێتی گەشتوونەتە قۆناغی کۆتاـی و رێککەوتن لەسەر پۆستەکانـی حکومەت.