PM:07:42:22/03/2025
3676 جار خوێندراوەتەوە
چاوگێک بە ئێن ئاڕ تی راگەیاند، لە گوندی قاسم بەگزادەی سنووری چەمچەماڵ شەڕ لە نێوان دوو بنەماڵەدا روویدا و بەهۆیەوە سێ کەس کوژراون و کەسێکی دیکەش برینداربووە.
ئەمڕۆ شەممە ٢٢ـی ئازارـی ٢٠٢٥، چاوگێکی ئاگادار بە ئێن ئاڕ تی راگەیاند، لە گوندی قاسم بەگزادە لە سنووری چەمچەماڵ شەڕ لە نێوان دوو بنەماڵەدا روویداوە و بەهۆیەوە سێ کەس کوژراون و کەسێکی دیکەش برینداربووە.
ئاماژەی
بەوەشکرد، تەرمی یەکێک
لە کوژراوەکان رەوانەی نەخۆشخانەی چەمچەماڵ کراوە و دوو تەرمی دیکەش بەرەو پزیشکی
دادی سلێمانی براون.
بەپێی وتەی چاوگێک، ناکۆکییەکەیان لەسەر زەوی و زاربووە لە ئێستادا
پۆلیس و لایەنە پەیوەندیدارەکان گەیشتوونەتە شوێنی رووداوەکە بە مەبەستی
کۆنتڕۆڵکردنی دۆخەکە.
ئەوەش لەکاتێکدایە، هەر لەماوەی
ئەم چەند هەفتەیەی رابردوودا لە هەولێر
چوار ئەندامی خێزانێک لەلایەن پزیشکێکەوە کوژران و لە سنووری شارۆچکەی سەیدسادقیش
شەش ئەندامی یەک خێزان کوژران و شەوی رابردووش
لە گوندی قەرەتەپەی سنووری پارێزگای کەرکوک، سێ کەس کوژران و ژمارەیەکی دیکەش
برینداربوون.
