ئاماژه‌ی به‌وه‌شكردووه‌، ئه‌مه‌ له‌ چوارچێوه‌ی جێبه‌جێكردنی به‌رنامه‌ی حكومه‌تدا دێت، هه‌روه‌ها له‌ئه‌نجامی به‌دواداچوونی به‌رده‌وامی حه‌یان عه‌بدولغه‌نی، جێگری سه‌رۆك وه‌زیران بۆ كاروباری وزه‌ و وه‌زیری نه‌وت به‌دیهاتووه‌.

ده‌شڵێت، پرۆژه‌ی زیادكردنی سیسته‌می غاز بۆ ئۆتۆمبێله‌كان شاهیدی گرنگیدانێكی زۆری هاوڵاتیانه‌، ئه‌مه‌ش به‌هۆی سوده‌ ئه‌رێنییه‌كانی ژینگه‌یی و ئابووری و پله‌یه‌كی به‌رزی سه‌لامه‌تی.

ئه‌وه‌شی خستووەته‌ڕوو، ژماره‌ی ئه‌و ئۆتۆمبێلانه‌ی به‌ سوته‌مه‌نی غازی شل كارده‌كه‌ن گه‌یشتووه‌ته‌ زیاتر له‌ ٧٣ هه‌زار ئۆتۆمبێل له‌ عێراق، دوای ئه‌وه‌ی ژماره‌یان له‌ كاتی ده‌ستبه‌كاربوونی حكومه‌تی ئێستا له‌ ٣٢ هه‌زار ئۆتۆمبێل زیاتر نه‌بوو.
باسی له‌وه‌شكردووه‌، به‌رهه‌مهێنانی سیسته‌می زیادكردن له‌ مانگی ڕابردودا ١٤١٣ سیسته‌م بووه‌، كه‌ زیادكراون بۆ وۆركشۆپه‌ ته‌كنیكییه‌كان كه‌ له‌ سه‌رانسه‌ری وڵاتدا بڵاوبوونه‌ته‌وه‌، له‌ئێستاشدا رێكاره‌كانی زیادكردنی سیسته‌مه‌كانیان ئاسان كردووه‌ به‌ وه‌رگرتنی تۆماری ئه‌لیكترۆنی و به‌سته‌ری داواكاری له‌سه‌ر پلاتفۆرمی ئه‌لیكترۆنی حكومه‌ت.