پۆلیسی ئاكرێ رایگەیاند، تەرمی ژنێكیان لە زێی گەورەدا دۆزیووەتەوە كە مل و دەست و پێی بە تەل بەستراوە و خنكێندراوە.
ئەمڕۆ پێنجشەممە ١٣ـی ئازارـی ٢٠٢٥، بەڕێوەبەرایەتی پۆلیسی ئاكرێ بڵاویکردەوە، بنكەی پۆلیسی كەڵەك ئاگادار كرایەوە لە بوونی تەرمی ژنێك لە ناو رووباری زێی گەورە لە نزیگ گوندی زەنگڵ کە كە مل و دەست و پێی بە تەل بەستراوە و خنكێندراوە.
ئەوەشی
خستەڕوو، تیمەكانی پۆلیس دەستبەجێ گەیشتوونەتە شوێنی دیاریكراو و بە هاوكاری
تیمەكانی بەرگری شارستانی قەزای خەبات توانیویانە تەرمی ژنەكە لە رووباری زێی گەورە
دەربهێنن و لێكۆڵینەوە دەستیپێكردوە.
ئاماژەی
بەوەشکرد، تەرمەكە گواستراوەتەوە بۆ پزیشكی دادوەری پارێزگای هەولێر و بۆ
دیاریكردنی كاتی كوشتن و ناسنامەكەی.
بەپێی راگەیەندراوەكەی
پۆلیسی ئاكرێ، بەهۆی ئەوەی کاتی زۆر بەسەر روداوەکەدا تێپەڕێوە ناو و تەمەنی ئەو
ئافرەتە نازاندرێت و لاشەكەی تێكچوە.
وتیشی،
بە فەرمانی دادوەری لێكۆڵینەوە و بەپێی مادەی ٤٠٦ـی سزادانی عێراقی دۆسیە بۆ
تاوانەكە كراوەتەوە.