PM:12:36:03/03/2025
2096 جار خوێندراوەتەوە
بەڕێوەبەراتی گشتیی ئەزموونەکان سەبارەت بە تاقیکردنەوەی نیوەی وەرزی دووەم چەند رێنماییەکی بڵاوکردەوە و دەڵێت، لە ( ٤ و ٦ و٨ و٩ )ـی مانگی سێ بەشێک لەتاقیکردنەوەکان ئەنجام دەدرێن و بەشێکی دیکەیان لەدوای جەژنی نەورۆز تەواودەکرێن.
ئەمڕۆ دووشەممە ٣ـی ئازارـی ٢٠٢٥، بەرێوەبەراتی گشتیی ئەزموونەکان لە هەرێم رایگەیاند، سەرجەم قوتابخانە حکومی و نا حکومییەکان ئاگادار دەکەینەوە کە پاپەندبوونە بە ساڵنامەکە بەهۆی پشووەکانی ئازار و نەورۆزەوە.
ئاماژەی بەوەکراوە، رۆژانی (٤ و ٦
و٨ و ٩)ی مانگی سێ تاقیکردنەوەی تێدا ئەنجام بدرێت بۆ ماوەی چوار رۆژ.
ئەوەش خراوەتەڕوو، چوار رۆژی دیکە
لەدوای جەژنی نەورۆز لە (٢٤ و ٢٥ و ٢٦ و ٢٧)ـی مانگی سێ تاقیکردنەوەکانی تر تەواو
بکرێن.
ئەمە لەکاتێکدایە، وەزارەتی پەروەردەی حکومەتی کاربەرێکەر
رایگەیاندبوو، پشووی بەهارە لە ناوەندەکانى خوێندن لە ١١ تا ٢٣ـی ئەم مانگە دەبێت.
