کەشناسێکی عێراقی پێشبینیەکانی کەش و ھەوای بۆ چەند رۆژی داهاتوو بڵاوکردەوە و دەڵێت، لە کۆتایی ئەم هەفتەدا لە هەریەكە لە سلێمانی و هەولێر و دهۆک پێشبینی بەفربارین و بارانبارین دەکرێت.
ئەمڕۆ سێشەممە، حسێن ئەسەدی کەشناسی عێراق پێشبینیەکانی کەش و هەوای بۆ چەند رۆژی داهاتوو بڵاوکردەوە.
ئاماژەی بەوەکردووە، ''لەکۆتایی ئەم هەفتەیەدا بارستە هەوایەکی
سارد لە تورکیاوە بەرەو هەرێم دێت و لەناوچە شاخاوییەکانی هەولێر و سلێمانی و دهۆک
ئەگەری بەفربارین زۆرە و پێشبینی بارانبارینیش دەکرێت."
ئەوەشی خستوتەڕوو، لە هەفتەی داهاتووشدا بەهۆی گۆڕانی کەش
و هەوای دەریای ناوەڕاستەوە دۆخەکە ناجێگیر دەبێت.
حسێن ئەسەدی باسی لەوەشکردووە، لە هەفتەی داهاتوودا پلەکانی
گەرما بە رێژەیەکی بەرچاو دادەبەزن.