بەگوێرەی هەواڵێکی ئاژانسی ڕۆیتەرز، ئیدی ڕاما سەرۆکوەزیرانی ئەلبانیا دوای کۆبوونەوەی لەگەڵ دایک و باوک و مامۆستایان لە سەرتاسەری وڵات ڕایگەیاند، قەدەغەکردنەکە بەشێکە لە پلانێکی فراوانتر بۆ سەلامەتی قوتابخانەکان کە سەرەتای ساڵی داهاتوو دەچێتە بواری جێبەجێکردنەوە.

ئاماژەی بەوەشکردووە، بۆ ماوەی ساڵێک بە تەواوی تیک تۆک بەڕووی هەموواندا دایدەخەین.

زۆرێک لە وڵاتانی ئەوروپا لەوانەش فەرەنسا، ئەڵمانیا و بەلجیکا سنووردارکردنیان بۆ بەکارهێنانی سۆشیال میدیا بۆ منداڵان داناوە هەروەها ئوسترالیا لە مانگی ١١ ی ساڵی رابردووەوە بڕیاریداوە لەسەر قەدەغەکردنی تەواوەتی سۆشیال میدیا بۆ منداڵانی خوار تەمەنی ١٦ ساڵ.

ڕاما سۆشیال میدیا و بەتایبەتی تیک تۆکی تۆمەتبار کرد بە هۆکاری سەرەکی توندوتیژی لەنێو گەنجاندا.

جێگەی باسەبڕیارەکەی قەدەغەکردنەکەی دوای ئەوە دێت کە لە مانگی رابردوو خوێندکارێکی تەمەن ١٤ ساڵ بە چەقۆ کوژرا لەلایەن هاوپۆلەکەیەوە،میدیا ناوخۆییەکان بڵاویانکردووەتەوە کە ڕووداوەکە دوای ناکۆکی نێوان ئەو دوو کوڕە لە تیک تۆک دروستبووە.

ئەوەشی رایگەیاند " کێشەی ئەمڕۆ منداڵەکانمان نییە، کێشەی ئەمڕۆ ئێمەین، کێشەی ئەمڕۆ کۆمەڵگای ئێمەیە، کێشەی ئەمڕۆ تیک تۆک و ئەوانی دیکەیە کە دەست بەسەر منداڵەکانماندا دەگرن"