نرخی ئەمپێری کارەبای مۆلیدە بۆ مانگی ٩ لە هەولێر و سلێمانی دیاریکرا و لە سلێمانی نرخی ئەمپێرێک لەنێوان ١١ بۆ ١٢ هەزار و لە هەولێریش لەنێوان ١٢ هەزار و ٧٥٠ دینار بۆ ١٧ هەزار دیناردایە.
ئەمڕۆ سێشەممە، لیژنه‌ی دیاریكردنی نرخی مۆلیدە ئه‌هلییه‌كان لە سلێمانی رایگەیاند، نرخی یەک ئەمپێر بۆ مانگی ٩ لەنێوان ١١ بۆ ١٢ هەزار دیناردایە و نرخەکە لە گەڕەکێک بۆ گەڕەکێک دەگۆڕێت.
ئاماژەی
بەوەش کرد، به‌پێی نرخی سوته‌مه‌نی له بازاڕه‌كاندا نرخی هه‌ر كاتژمێرێك بۆ یه‌ك
ئه‌مپێر ٤٢ دینارە و لە مانگی رابردوودا مۆلیدەکان لە نێوان ٢٧٠ بۆ ٢٩٥ کاتژمێر
کاریان کردووە، هەروەها خشته‌ی كارپێكردنی مۆ‌لیده بۆ ئەم مانگە ٢٤ كاتژمێری دەبێت واتا هەركاتێك
كارەبای نیشتیمانی كوژایەوە پێویسته مۆلیده‌كان كارەبا بدەن به هاوڵاتیان.
لەلایەکی دیکەوە، خۆران خۆرانی سەرۆکی ئەنجومەنی مۆلیدە ئەهلییەکانی هەولێر بە ئێن ئاڕ تی راگەیاند،
نرخی یەک ئەمپێری کارەبای مۆلیدە بۆ مانگی ٩ لەنێوان ١٢ هەزار و ٧٥٠ تاوەکو ١٨
هەزار دیناردا دەبێت و بەپێی کاتژمێرەکانی کارکردنی کارەبا دەگۆڕێت.
وتیشێ، لە
ناوشار مۆلیدە لە نێوان ٣١٠ بۆ ٤١٥ کاتژمێر
کاری کردووە و نرخی یەک ئەمپێر لە نێوان ١٢ هەزار و ٧٥٠ دینار تاوەکو ١٧ هەزار هەزار دیناردایە، لە دەوروبەری شار لە
نێوان ٢١٠ بۆ ٤٥٠ کاتژمێر کاریان کردووە و نرخی یەک ئەمپێر لە نێوان هەشت هەزار و
٥٠٠ دینار تاوەکو ١٨ دیناردایە.
هێرش قادر - هەولێر