ئاماژەی بەوەش کرد، لە ئێستادا سەرجەم ئەو خەرجییانەی کە بۆ هاوردەکردنی کاڵا و سوتەمەنی بەکاردەهێندران کۆنترۆڵ کراون و رێژەی ٤٠٪ـی ئەو خەرجیانە دەبنەوە داهات بۆ عێراق کە بەراورد بەساڵانی رابردوو ئەوە هەنگاوێکی فراوان و ئەرێنیە بۆ ئابووری عێراق.

باسی لەوەش کرد ، لە ئێستادا تەنها کێشەی کەمی دینار هەیە لەبانکەکاندا بەرێژەی ٤٪، کە ئەوەش بە گوێرەی رێنماییەکانی بانکی ناوەندی و پلانەکانی محەمەد شیاع سودانی سەرۆک وەزیرانی عێراق سەرجەم مامەڵە داراییەکان لە دۆلارەوە دەکرێن بە دینار و باجی سەر دراوی بیانی بۆ ۷٪ بەرز دەکرێتەوە، کە ئەوەش دەبێتە هەنگاوێکی نوێ و رێکارێکی نوێی عێراق بۆ گەڕاندنەوەی دینار بۆ بانکەکانی عێراق.

ئەوەشی خستە روو، هەوڵ دەدرێت دیناری زیاتر بگەڕێننەوە بۆ بانکەکان و لەلایەن لیژنەی داراییەوە پلانێکی تایبەتی بۆ دانراوە، بە مەبەستی ئەوەی تەواوی مامەڵە داراییەکان بکرێت بە ئەلیکترۆنی و دینار بەکار بهێنرێت، هاوکات، تەنها بازرگانان بتوانن دەستیان بە دۆلار بگات و هاوڵاتیان تەنها پێویستیان بە بەکارهێنانی دینار بێت.

ئەوەش لە کاتێکدایە، سەرۆکی لیژنەی دارایی لە پەرلەمانی عێراق رایگەیاند، بەمەبەستی فراوانکردن و لێکدانەوەی بودجە، لەگەڵ وەزیری پلاندانانی عێراق کۆبوونەتەوە، کە زیاتر لە ١٠ ترلیۆن دیناری بۆ پرۆژەکان تەرخان کردبوو. وتیشی، " بودجەی ئەمساڵ گەورەترین بودجە دەبێت لە مێژووی عێراقدا".