وتەبێژی وەزارەتی دەرەوەی روسیا رایگەیاند: روسیا ئامادەیە وەڵامی پێشنیازە دیپلۆماسیەکان بداتەوە سەبارەت بە گفتوگۆ و چارەسەری قەیرانەکانی ئۆكرانیا، بەڵام دەبێت سەرەتا هەموو هاوکاریە سەربازیەکانی رۆژئاوا بۆ ئۆکرانیا بوەستێت.
رۆژی چوارشەممە، ماریا زاخارۆڤا وتەبێژی وەزارەتی دەرەوەی روسیا بە میدیا وڵاتەکەی راگەیاند: روسیا هەوڵی نێوەندگیریی وڵاتان بەرزدەنرخێنێت و بەتایبەت دەستپێشخەرییە مرۆییەكان بە ئامانجی گەیشتن بە ئاشتی.
ئەوەشی خستەڕوو، بە مەبەستی دەستپێكردنی
پرۆسەی دانوستان، رۆژئاوا دەبێت دەستبەرداری دابینكردنی چەك ببێت بۆ كیێڤ و ئۆکرانیاش
دەبێت هەموو هێزەکانی بکشێنێتەوە.
ئاماژەی بەوەشكردوە، دەسەڵاتدارانی ئۆكرانیا
هەموو دانوستانەکانیان لەگەڵ روسیادا راگرتوە و لە ئێستادا پردی دیپلۆماسی روسیا و
ئۆکرانیا پچڕاوە.
لە ٢٤ـی شوباتی ساڵی رابردوو بە فەرمانی ڤلادیمیر پوتین سەرۆکی روسیا
سوپای ئەو وڵاتە هێرشی کردە سەر ئۆکرانیا و تا ئێستاش جەنگ بەردەوامە، لەسەرەتای ئەمساڵیشەوە
ئۆکرانیا رایگەیاند، بە بەکارهێنانی هاوکارییە سەربازییەکانی وڵاتانی رۆژئاوا دەستی
بە هێرشی پێچەوانەکردووە بۆسەر سوپای روسیا.
پێشتریش شاندی دانوستانی روسیا و ئۆکرانیا لە وڵاتی بێلاروسیا جەندا جار
کۆبوونەوە، بەڵام نەگەیشتنە ئەنجام.