بە گوێرەی داتاکانی بازاڕی جیهانی نەوت نرخی بەرمیلێک نەوتی خاوی برێنت بە ٧٤ دۆلار و ٩٩ سەنت مامەڵەی پێوەدەکرێت بەمەش نرخەکەی بەراورد بە دوێنێ یەک دۆلار و ٨٩ سەنت بەرزبووەتەوە.
هاوکات، نرخی بەرمیلێک نەوتی خاوی ئەمریکی بە ٦٩ دۆلار و ٣٣ سەنت مامەڵەی پێوەدەکرێت.
لە ماوەی رابردوو، نرخی نەوت نزمترین ئاستی لە ماوەی
ساڵی رابردوودا تۆمارکرد، ئەوەش دوای ئەوەی بەهۆی جەنگی نێوان روسیا و ئۆکرانیاوە
نرخی نەوت بەرزی بەخۆیەوە بینیبوو.
دابەزینی بەهای نەوت بۆ ئەو نرخە لە
کاتێکدایە، ساڵێک بەر لە ئێستا نرخی نەوت بە ٩٥ دۆلار مامەڵەی پێوەدەکرا و لە
مانگی حوزەیرانی ساڵی پاریش نرخی بەرمیلێک نەوت بە ١٢٠ دۆلار مامەڵەی پێوەدەکرا.لە ئێستادا جارێکی دیکە نرخی نەوت
رووی لە گۆرانکاری و ناسەقامگیری کردووە.