وەزارەتی گەنجینەی ئەمریکا سزای بەسەر کارمەندانی کۆمپانیایەکی دروستکردنی فڕۆکەی بێفڕۆکەوانی ئێرانی و دوو کەشتی جەنگی ئەو وڵاتەدا سەپاند.
وەزارەتی گەنجینەی ئەمریکا لە راگەیەندراوێکدا ئاماژەی بەوەداوە، بڕیاریانداوە سزا بەسەر کۆمپانیای بەرهەمهێنەری فڕۆکەی بێفڕۆکەوانی بارافاربارسی ئێرانی و دوو کەشتی جەنگی ئەو وڵاتەدا بسەپێنن.
ئەوەش خراوەتەڕوو، سزا نوێیەکان هەشت کەس
لە کارگێران وبەڕێوەبەرانی کۆمپانیاکە لەخۆ دەگرێت و یەکێک لە کارمەندانی کۆمپانیاکە پێشتریش لە لیستی
سزادراوانی ئەمریکادا بووە.
باس لەوەشکراوە، سزاکان بریتین لە دەستبەسەرداگرتنی
سامانی سزادراوەکان و قەدەغەکردنی
کاروباری هاوڵاتیان و کۆمپانیا ئەمریکییەکان لەگەڵ ئەوکەسانەدا کەسزاکانیان
بەسەردا سەپێنراوە.
ئەمەش لەکاتێکدایە، لەماوەی رابردوودا هەریەکە
لە ئەمریکا و ئەوروپا و ئۆکرانیا ئێرانیان بەپێدانی فڕۆکەی بێفڕۆکەوان و هاوکاری
کردنی روسیا لەجەنگی ئۆکرانیادا تۆمەتبار کرد و ئەمریکاش پاکێجێکی سزای بۆ ئەو
کۆمپانیا و کارگە جەنگییە ئێرانییانە بڵاوکردەوە کە هاوکاری روسیا دەکەن لە
جەنگەکەی دژی ئۆکرانیا.