PM:06:04:18/08/2022
35588 جار خوێندراوەتەوە
کچە وێنەکێشێکی هۆڵەندی کە لەشاری رۆتەردامی ئەو وڵاتە نیشتەجێیە، توانایەکی سەیری هەیە و دەتوانێت لەهەمان کاتدا دەست و قاچەکانی بۆ کێشانی چەند وێنەیەکی جیاواز بەکاربهێنێت، وەک لە ڤیدیۆکەدا دەردەکەوێت وێنەکێشەکە لەهەمان کاتدا شەش وێنەی جیاواز دەکێشێت.
رۆژنامەی دەیلی مەیلی بەریتانی بڵاویکردەوە، راجاسینا کە هونەرمەندێکی شێوەکارە و لەشاری رۆتەردام دەژی، توانی سەرکەوتووانە لە رێگەی بەکارهێنانی دەست و قاچەکانییەوە شەش وێنەی جیاواز بکێشێت و دەرئەنجامێکی سەرسوڕهێنەر بدات بەدەستەوە.
لەکۆتایی ڤیدیۆکەدا راجاسینا دەرئەنجامی کارەکەی نیشاندەدات کە وێنەی چەند
کەسایەتییەکی دیار و بەناوبانگی کێشاوە و دیارترینیشیان بریتین لە ئەنجیلینا جولی
و شاکیرا و هاری پۆتەر.
راجاسینا لەتەمەنی ١٦ ساڵییەوە دەستی بەکاری وێنەکێشان کردووە، ئەوەی لەئێستادا
وێنەکێشەکەی بەناوبانگتر کردووە بریتییە لەو رێگا ناوازە و دەگمەنەی وێنەکێشەکە بۆ
کێشانی وێنەکان بەکاری دەهێنێت.
وێنەکێشەکە ئاماژەی بەوەش کردووە کە هەندێ کات بۆ تەواوکردنی کارێکی
هونەری کاتێکی زۆری دەوێت و دەگاتە نزیکەی چل کاتژمێر.
