میلان گرێبەستێکی نوێی ئەنجامدا

PM:06:52:27/01/2022

264 جار خوێندراوەتەوە

+ -

میلان بەشێوەیەکی فەرمی لازیتیچی لە ڕید ستارەوە بەبڕی 4 ملیۆن یۆرۆ گواستەوە ڕیزەکانی.

یانەی ئەی سی میلانی ئیتاڵی بەشێوەیەکی فەرمی ڕایگەیاند کە گرێبەستیان لەگەڵ مارکۆ لازیتیچی سربی هێرشبەری یانەی ڕید ستار بەلگرادی سربی ئەنجامداوە و نرخی گرێبەستەکەشی چوار ملیۆن یۆرۆیە.

ئەو هێرشبەرە هەفتەی ڕابردوو تەمەنی گەیشتە 18 ساڵ و لە پێنج یاریدا بۆ تیپی خوار تەمەنی 19 ساڵانی وڵاتەکەی گۆڵێکی کردووە.

یانە ئیتاڵیەکە دوپاتیکردەوە ئەو یاریزانە تا هاوینی 2026 لە یاریگای سان سیرۆ یاری دەکات و وابڕیارە درێسی ژمارە 22 بپۆشێت و لەگەڵ تیپی یەکەم یاری بکات.

لازیتیچ ساڵی 2004 لە سربیا لەدایکبووە و لە لاوانی یانەی ستار بەلگرادەوە ساڵی 2021 سەرخرا بۆ تیپی یەکەم و ئەم وەرزەش لە 16 یاریدا گۆڵێکی تۆمارکردووە.