PM:02:25:25/08/2026
148 جار خوێندراوەتەوە
+
-
مانەوەی کاسادۆ لە بەرشەلۆنە مسۆگەر نییە
و پێنج یانەی پریمەر لیگیش چاودێری دەکەن.
مارک کاسادۆی ئەستێرەی لاوی ئیسپانی
هەرچەندە گرێبەستەکەی چەند ساڵێکی زۆری ماوە لەگەڵ بەرشەلۆنە بەڵام مانەوەی لەو
یانەیە لە گوماندایە و دەیەوێت بڕوات.
کاسادۆ بەردەوام هەوڵیداوە لە پێکهاتەی
سەرەکی یانەی بەرشەلۆنەدا جێگای خۆی بکاتەوە بەڵام لەلایەن هانسی فلیکی راهێنەرەوە
پشتگوێخراوە و وەک یاریزانێکی یەدەگ مامەڵەی لەگەڵدا کراوە.
رۆژنامەی سپۆرت ئاشکرایکردووە، پێنج یانەی
پریمەر لیگ چاودێری بارودۆخی کاسادۆ دەکەن و ئامانجیان ئەوەیە لە کۆتا رۆژەکانی
بازاڕی گواستنەوەدا تواناکانی بەدەستبهێنن.
سپۆرت نوسیویەتی، یانەی نۆتینگهام فۆرێستی
ئینگلیزی نوێترینی یانەیە کە هەوڵەکانی بۆ گواستنەوەی ئەو یاریزانە دەستپێکردووە و
دەیەوێت بە خێرایی ئەو گرێبەستە ئەنجامبدات.
رونیشیکردووەتەوە، جگە لە نۆتینگهام
هەریەکە لە یانەکانی نیوکاسڵ یونایتد و ئەستۆن ڤێلا و برایتۆن و ئیڤەرتۆن
ئیمزاکردنی گرێبەستیان لەگەڵ مارک کاسادۆ کردووەتە ئامانج و لە ئێستاشدا یانەی
داهاتووی ئەو یاریزانە ئاشكرا نییە.
خ . ک