لێدوانی دۆناڕۆما دوای ئەوەی بووە باشترین گۆڵچی 2021

AM:10:32:30/11/2021

452 جار خوێندراوەتەوە

+ -

دۆناڕۆما دڵخۆشی خۆی بە بردنەوەی خەڵاتی باشترین گۆڵچی دەربڕی و سوپاسی هاوڕێکانی کرد.

جیانلویجی دۆناڕۆمای ئیتاڵی گۆڵچی یانەی پاریس سان جێرمانی فەڕەنسی شەوی ڕابردوو لەلایەن گۆڤاری فرانس فوتبۆڵەوە خەڵاتی یاشینی پێبەخشرا و وەک باشترین گۆڵچی 2021 دیاریکرا.

دۆناڕۆما لە لێدوانێکی دوای بردنەوەی خەڵاتەکە وتی: بەڕاستی ساڵیکی نایاب بوو دوای ئەوەی میلان سەرکەوت بۆ چامپیۆنس لیگ و دواتر توانیمان لەگەڵ ئیتاڵیا جامی یۆرۆی 2020 بەدەستبهێنین کە دەستکەوتێکی زۆر گەورەیە.

هەروەها وتیشی: لەکۆتایشدا پەیوەندیم بە پاریس سان جێرمانەوە کرد و زۆر دڵخۆشم بە بەدەستهێنانی ئەم خەڵاتە و سوپاسی ناسر خلێفی سەرۆکی یانەکەم دەکەم و هیوادارم باشترین پێشکەش بکەم.

لەکۆتایشدا وتی: سووپاسی خێزانەکەم و سەرجەم هاوڕێکانم دەکەم کە بەهۆی پاڵپشتی ئەوانەوە ئەم خەڵاتەم بەدەستهێنا و وایانکرد خەونەکەم بەدیبهێنم.