AM:08:49:29/12/2025
60 جار خوێندراوەتەوە
+
-
کۆنتی نەیشاردەوە کە ساڵێکی نایابیان بەسەربرد بەڵام بەردەوام کێشەی
کەمی یاریزانیان هەبووە.
ئەنتۆنیۆ کۆنتی ڕاهێنەری یانەی ناپۆل، دوای بردنەوەیان لە کریمۆنیزی
وتی: لەم وەرزەدا کێشەی زۆرمان هەیە، هەندێکیان زۆر
جدی، بەڵام ئازایانە مامەڵەیان لەگەڵ دەکەین.
هەمیشە بە یاریزانەکان دەڵێم، یارییەکان ببینەوە یان بدۆڕێین، کارگێری
یانەکە دەیانەوێت ئاڵای خولی ئیتاڵیا لەسەر درێسەکانیان بهێڵنەوە و هاندەران دڵخۆش
بکەن.
ئێمە ئاهەنگ دەگێڕین بۆ ساڵێکی نایاب کە بە بۆچوونی من ساتێکی ناوازە
و چاوەڕواننەکراومان تۆمارکرد بە بردنەوەی نازناوی خولی ئیتاڵیا، دواتر جامی
سوپەری ئیتاڵیا، سەرکەوتن بەسەر تیپەکانی وەک میلان و ئینتەرمیلان و بۆلۆنیا لەو
پاڵەوانێتییەدا زۆر تایبەت بوو.
کۆنتی دەشڵێت: تیپەکە
جارێکی تر بەدەست کەمی یاریزانەوە دەناڵێنێت، بەڵام ئەگەر ڕێگەی دەربازبوون نەبێت،
دەبێت خۆمان دروستی بکەین، ئێمە
ڕێگەی خۆمان لە ڕێگەی کاری قورس و خۆبەخشییەوە بنیات دەنێین، ڕووبەڕووی ئەم
سەختییانە دەبینەوە بۆ زیاتر بەهێزبوونمان.
وتیشی: هەست دەکەم کە یۆڤانتۆس و ئینتەرمیلان و میلان پێکهاتەیەکی
بەهێزتریان هەیە لە ناپۆلی، هەروەها مووچەی زیاتریان هەیە لە هەموو یانەکانی تر،
بۆیە ئەوان زیاتر پاڵێوراون تا دەست بەسەر ئیتاڵیادا بگرن.