PM:09:06:29/09/2025
96 جار خوێندراوەتەوە
+
-
لە چامپیۆنز لیگی ئاسیا
شورتە بەرامبەر فەراغە شکستی هێنا و هیلالیش لە نەسەف قارشی بردەوە.
لە یارییەکانی قۆناغی
یەکەمی چامپیۆنز لیگ، غەرافەی قەتەری لە یاریگای خۆیدا میوانداری شورتەی عێراقی
کرد.
لە تایمی یەکەم، یانەی
شورتە بە بەهێزییەوە دەستی پێکرد و کۆنترۆڵی یاریگای کرد، چەندین هەوڵی یەک لەدوای
یەکیان برد بەڵام سەرکەوتوو نەبوون لەگۆڵ تۆمارکردن و ئەو تایمەش بەبێ گۆڵ کۆتایی
پێهات.
لە تایمی دووەم، سیناریۆیەکی
جیاواز بینرا، غەرافە هەر لەگەڵ دەستپێک و لە خولەکی 49 لە رێگای خۆسێلۆوە گۆڵی
یەکەمی تۆمارکرد، زۆری نەخایاندیش لە چەند خولەکێکی دواتر و لە خولەکی 54 ساسی
گۆڵی دووەمی خاوەن یاریگای تۆمارکرد، لەدوای ئەوەشەوە کوڕانی یانە عێراقییەکە
چەندین هێرشیان برد بەڵام دووبارە سەرکەوتوو نەبوون و سەرەنجام یارییە بە دوو گۆڵی
بێوەڵام لە بەرژەوەندی غەرافە کۆتایی پێهات.
لە یارییەکی تریشدا، یانەی
هیلالی سعودیە بە سێ گۆڵ بەرامبەر بە دوو گۆڵ شکستی بە نەساف قارشی ئۆزبەکستانی
هێنا و سێ خاڵی گرنگی لە دەرەوەی یاریگای خۆی کۆکردەوە.