PM:05:30:25/09/2025
156 جار خوێندراوەتەوە
+
-
ریاڵ مەدرید سورە لەسەر گرنگیپێدانی دۆسییەی نێگرێیرا و دەیەوێت بەرشەلۆنە سزا بدرێت.
رۆژنامەی مارکای ئیسپانی بڵاویکردەوە،
بەرپرسانی یانەی ریاڵ مەدرید گەیشتوونەتە ئەو بڕوایەیی کەیسی نێگرێیرا گەیشتووەتە
دۆخێکی هەستیار و دەبێت زۆر بە وردی و لە نزیکەوە چاودێری بکەن.
رۆژنامەکە باسی لەوەشکردووە، ئەندامێکی باڵای
نیو دەستی کارگێڕی یانەکەی شاری مەدرید پێیانی راگەیاندووە لەنێو ماڵی یانەکەیان
هێشتا پێیانوایە کاریگەری کەیسەکە لەسەر یارییەکان ماوە.
هەر ئەم شک و گومانەش وایکردووە یانەی ریاڵ
مەدرید لە نزیکەوە چاودێری دۆسییەکە بکەن لە داداگا و ئامادەی هیچ جۆرە سازشێک نین
و چاوەڕێی ئەوەن قەرەبوو بکرێنەوە.
لەلایەکی ترەوە پێگەی لیبێرتاد دیجیتاڵ،
چەندین بەڵگەی خستووەتەڕوو کە تێیدا ئێنریکێز نێگرێیرای جێگری پێشووی سەرۆکی ناوبژیوانانی
ئیسپانیا، بڕی حەوت ملیۆن و 300 هەزار یۆرۆی لە یانەی بەرشەلۆنە وەرگرتووە لەژێر
ناونیشانی راوێژکاری لە نێوان ساڵەکانی 2001 بۆ 2018.