PM:12:00:21/03/2025
92 جار خوێندراوەتەوە
+
-
سپالێتی
نەیشاردەوە كێشەیان لە تۆپە بەرزەكاندا هەیە و ناگلیسمانیش دەڵێت دەمانتوانی گۆڵی
زیاتر تۆماربكەین.
پاش دۆڕانیان
بە هەڵبژاردەی ئەڵمانیا، سپالێتی راهێنەری ئیتاڵیا وتی: لە هەندێک ساتدا ڕیتمێکی
گونجاومان نەبوو بۆ یاریکردن، لەکاتێکدا ئەڵمانیا زۆر یەکگرتووتر بوو، لە چەند دیمەنێکدا
باجی قورسمان دا بۆ هەڵەکانمان.
باسی لەوەشكرد،
ئەڵمانییەكان باڵایان لە یاریزانەكانی ئەوان بەرزترە و هەر ئەوەش وایكردووە
كێشەیان بۆ درووست بێت لە تۆپە بەرزەكاندا، ئەو جۆرە گۆڵانە بوونەتە كێشەیان بۆیان
و دەبێت هەوڵی چارەسەركردنی بدەن.
راشیگەیاند،
یاری داهاتوو دەچنە ئەڵمانیا و بە تەواوی هێزی خۆیانەوە یاری دەكەن و پاشان چاوەڕێ
دەكەن تا بزانن چی روودەدات.
لەلایەكی ترەوە، ناگلیسمانی راهێنەری
هەڵبژاردەی ئەڵمانیا رایگەیاند، زۆر دڵخۆشە پاش ئەوەی بە گۆڵێك لە دوا بوون
گەڕاونەتەوە نێو كەشی یارییەكە و یاریزانەكانیان ئاستێكی بەرزیان پێشكەش كردووە،
پێشیوایە دەیانتوانی لە تایمی دووەم گۆڵی زیاتر تۆماربكەن.
ئاماژەی بەوەشدا، لیۆن گۆرێتزگا پاش
گەڕانەوەی بۆ هەڵبژاردەكە یارییەكی زۆر باشی ئەنجامداوە و لە رووی بەرگری و
ئامادەبوونی لە ناوچەی سزاوە بە نایابی دەركەوتووە.
وتیشی: هاندەرەکانمان لێرە زۆر بە جۆش و خرۆش بوون، هیوادارم ڕۆژی یەکشەممە هێندەی
تر بە جۆش و خرۆش بن، ئێمەش لە یاریگای خۆماندا یارییەكە ببەینەوە و ئاهەنگ بگێڕین
بۆ سەرکەوتن.