PM:06:09:23/01/2025
136 جار خوێندراوەتەوە
+
-
کۆلۆ موانی بەخواستن و تا کۆتایی وەرز پەیوەندی بە یوڤانتۆسەوە کرد.
پاش دەنگۆ جیاوازەکان لەسەر داهاتووی بە فەرمی کۆلۆ موانی هێرشبەری فەڕەنسی یانەی پاریس پەیوەندی بە ریزەکانی یوڤانتۆسەوە کرد.
هەژماری فەرمی خانمە پیرەکە لە پلاتفۆرمی ئێكس گواستنەوەی یاریزانەکەیان بۆ ریزەكانییان راگەیاند و بەخێرهاتیان لێکرد.
گرێبەستی موانی بەشێوەی خواستن و تاوەكو كۆتایی وەرز دەبێت، لەو ماوەیەشدا لەگەڵ یانەکە درێسی ژمارە 20 دەپۆشێت.
یانە ئیتاڵییەکە لەو ماوەیەدا تەواوی مووچەی یاریزانەکە لە ئەستۆ دەگرێت، وە گرێبەستەکە مەرجی کڕینەوەی هەمیشەی لەگەڵدا نییە.
جێی باسە، راندال كۆلۆ موانی لە هاوینی ساڵی 2023 لە ریزەكانی ئینتراخت فرانكفۆرتەوە بە بەهای 95 ملیۆن یۆرۆ پەیوەندی بە پاریس سانجێرمانەوە كرد، لەم وەرزە بەشداری تەنیا 14 یاری کرد لەگەڵ یانەکەی پایتەختی فەڕەنسا.