AM:01:11:23/01/2025
148 جار خوێندراوەتەوە
+
-
لە چامپیۆنز لیگ پاریس یاری لوتکەی لە مان سیتی بردەوە و بایرن میونشن بە فاینۆرد دۆڕا.
لە درێژەی یارییەکانی چامپیۆنز لیگ، یانەی پاریس سان جێرمانی فەرەنسی لە یاری لوتکەدا میوانداری یانەی مانچستەر سیتی ئینگلیزی کرد.
لە تایمی یەکەمدا، یاریزانانی هەردوو یانە ئاستێکی مامناوەندیان پێشکەش کرد بەڵام سەرکەوتوو نەبوون لە گۆڵ تۆمارکردن.
لە تایمی دووەمدا و لە خولەکەکانی 50 و 53 جاک گریلیچ و ئێرلینگ هالاند دوو گۆڵیان بۆ مان سیتی تۆمارکرد بەڵام لە خولەکەکانی 56 و 60 و 78 و 93 عوسمان دیمبلی و بارکۆلا و جواو نیڤێس و گۆنچالۆ رامۆس چوار گۆڵیان بۆ پاریس کرد و سەرەنجام یارییەکەیان بە ئەنجامی چوار گۆڵ بەرامبەر دوو گۆڵ بردەوە.
لە یارییەکانی تریشدا، یانەی بایرن میونشن رووبەڕووی فاینۆرد رۆتەردام بووەوە و بە سێ گۆڵی بێبەرامبەر یارییەکەی پێدۆڕاند، میلانیش بردنەوەی بەسەر جیرۆنا بەدەستهێنا.
میلان بە کۆکردنەوەی 15 خاڵ چووە پلەی شەشەمی ریزبەندی، فاینۆرد لە پلەی 11دایە و پاریس سان جێرمان و مانچستەر سیتی لە پلەکانی 22 و 25ی ریزبەندیدان.
خ . ک