AM:01:01:23/01/2025
208 جار خوێندراوەتەوە
+
-
لە چامپیۆنز لیگ ریاڵ مەدرید گۆڵبارانی سالزبۆرگی کرد و ئارسناڵ و ئینتەر بردنەوەیان بەدەستهێنا.
لە قۆناغی یەکەمی چامپیۆنز لیگ، یانەی ریاڵ مەدریدی ئیسپانی لە یاریگای سانتیاگۆ بێرنابیۆ میوانداری یانەی سالزبۆرگی نەمساوی کرد.
تایمی یەکەم بە دوو گۆڵی بێبەرامبەر لە سوودی ریاڵ مەدرید کۆتاییهات، هەردوو گۆڵەکەش رۆدریگۆ تۆماریکردن.
لە تایمی دووەمدا، ریاڵ مەدرید سێ گۆڵی تری تۆمارکرد لە رێگەی ڤینیسیۆس جۆنیۆر دوو گۆڵ و کیلیان مباپێ، دواتریش بێدسترۆپ گۆڵێکی بۆ سالزبۆرگ تۆمارکرد، سەرەنجام یارییەکە بە ئەنجامی پێنج گۆڵ بەرامبەر گۆڵێک لە سوودی ریاڵ مەدرید کۆتاییهات.
لە هەمان قۆناغ، یانەی ئارسناڵ رووبەڕووی دینامۆ زەگرەب بووەوە و بە سێ گۆڵی بێبەرامبەر بردنەوەی بەسەردا بەدەستهێنا، ئینتەریش بە تاکە گۆڵێکی لاوتارۆ لە سپارتا پراگی بردەوە.
بەو ئەنجامانە، ئارسناڵ و ئینتەر بە کۆکردنەوەی 16 خاڵ لە پلەکانی سێیەم و چوارەمی ریزبەندیدان، ریاڵ مەدریدیش 12 خاڵی هەیە و لە پلەی 16 دەبینرێت.
خ . ک