PM:05:58:22/01/2025
192 جار خوێندراوەتەوە
+
-
داهاتی ریاڵ مەدرید
زۆرترین بووە لە ساڵی 2024دا دوای ئەوەی یەک ملیار یۆرۆی تێپەڕاند.
پێگەی فوتبۆڵ
بێنچمارک ریزبەندی داهاتی یانەکانی شەش خولی ناوخۆیی ئەوروپای لە ساڵی 2024
بڵاوکردەوە لەسەر ئاستی کاری بازرگانی و گواستنەوەی یاریزانان و ریکلام و ئامادەبوونی
هاندەران لە یاریگا.
یانەی ریاڵ مەدرید لە
پێشەنگی یانەکانی خولی ئیسپانیدایە بە شێوەیەک کە داهاتەکەی یەک ملیار و 65 ملیۆن یۆرۆیە
و بووە یەکەم یانە لە مێژوودا لە ماوەی یەک ساڵدا داهاتەکەی زیاتر لە یەک ملیار
یۆرۆ بێت.
لە خولی
ئینگلتەراش، یانەی مانچستەر سیتی زۆرترین داهاتی هەبووە بە شێوەیەک کە 838 ملیۆن یۆرۆ
بووە، پاریس سان جێرمانیش لە فەرەنسا زۆرترین داهاتی هەیە بە شێوەیەک کە 806 ملیۆن
یۆرۆیە.
یانەی ئینتەر
میلانیش کە پاڵەوانی وەرزی رابردووی خولی ئیتاڵیە زۆرترین داهاتی لە نێو یانەکانی
ئەو خولەدا هەبووە لە ساڵی 2024دا کە 399 ملیۆن یۆرۆیە، ئایندهۆڤن و سپۆرتینگیش لە
خولەکانی هۆڵەندا و پورتوگال زۆرترین داهاتیان هەبووە.
جگە لەوەش، ریاڵ
مەدرید خاوەنی گرانترین پێکهاتەیە لە نێو یانەکانی ئێستای تۆپی پێدا بە شێوەیەک
نرخی پێکهاتەی سەرجەم یاریزانەکانی یەک ملیار و 364 ملیۆن یۆرۆیە، نرخی پێکهاتەی
مانچستەر سیتی یەک ملیار و 231 ملیۆن یۆرۆیە و پاریس سان جێرمانیش نرخی پێکهاتەکەی
یەک ملیار و 41 ملیۆن یۆرۆیە.
خ . ک