PM:10:39:30/12/2024
392 جار خوێندراوەتەوە
+
-
مانەوەی رۆناڵدۆ لە نەسڕ مسۆگەر نییە و دەیەوێت بچێتە یانەیەک کێبڕکێی نازناوەکان بکات.
لە ماوەی رابردوودا راپۆرتە رۆژنامەنوسیەکان بڵاویانکردەوە، داهاتووی کریستیانۆ رۆناڵدۆی ئەستێرەی پورتوگالی لە یانەی نەسڕی سعودی ڕوون نییە و هەموو شتێک ئەگەری رودانی هەیە.
لە نوێترین پێشهاتدا، برونۆ ئەندرادێی رۆژنامەنووسی پورتوگالی رایگەیاند، ئەستێرە پورتوگالییەکە بیری لەوە کردووەتەوە گرێبەستەکەی لەگەڵ یانەی نەسڕ نوێ نەکاتەوە.
ئەو رۆژنامەنووسە ئاشکرایکردووە، کریستیانۆ دەیەوێت ریزەکانی ئەو یانەیە جێبهێڵێت و ئەو بابەتەش پەیوەندی بە لایەنی داراییەوە نییە بەڵکو دەیەوێت بچێتە یانەیەک کە توانای کێبڕکێ کردنی نازناوەکانی هەبێت.
لەلایەکی ترەوە، رۆژنامەی مارکای ئیسپانی دوپاتیکردەوە کە کریستیانۆ تا ئەم ساتە بەهیچ شێوەیەک بیری لەوە نەکردووەتەوە لە کۆتایی ئەم وەرزەدا بەیکجاری واز لە یاریکردن بهێنێت بەڵکو دەیەوێت بەردەوام بێت لەپێناو تۆمارکردنی ئاماری نوێ لە کاروانە وەرزشیەکەیدا.
دەشڵێت، رۆناڵدۆ پێشتر لەگەڵ یانەکانی ریاڵ مەدرید و مانچستەر یونایتد و یۆڤانتۆس نازناوی خولەکانی ئیسپانیا و ئینگلتەرا و ئیتاڵیای بردووەتەوە و دەیەوێت نازناوی خولی سعودیەش بەدەستبهێنێت و ئامادەیە بچێتە یانەی هیلال ئەگەر گرێبەستی پێشکەش بکەن.
خ . ک