PM:05:05:02/01/2025
164 جار خوێندراوەتەوە
+
-
پاڵێوراوانی باشترین راهێنەر و یاریزانی
مانگی رابردووی پریمەرلیگ بڵاوکرایەوە.
یەکێتی تۆپی پێی ئینگلتەرا پاڵێوراوانی
باشترین یاریزان و راهێنەری مانگی رابردووی خولی وڵاتەکەی بڵاوکردەوە، یاریزانە
پاڵێوراوەکان بریتین لە، محەمەد سەڵاح و ئارنۆڵد لە لیڤەرپول و ئیزاک و مێرفی لە
نیوکاسڵ، گیبس وایت لە نۆتینگهام و هیوسن لە بۆرنمۆس هاوشانی پاڵمەر لە چێڵسی و
رۆبینسۆن لە فولهام.
لە لیستەکەدا سەڵاح بە تۆمارکردنی حەوت گۆڵ و
حەوت ئەسیست لە مانگەکە، وە ئیزاک بە تۆمارکردنی هەشت گۆڵ و دوو ئەسیست دوو
نزیکترین پاڵێوراون بۆ بردنەوەی خەڵاتەکە.
لەسەر ئاستی راهێنەرانیش، ئارنی سلۆت
راهێنەری لیڤەرپول هاوشانی نۆنۆ سانتۆی راهێنەری نۆتینگهام کێبڕکێی ئیدی هاوی
راهێنەری نیوکاسڵ و ئیراولای راهێنەری بۆرنمۆس دەکەن بۆ بردنەوەی خەڵاتی باشترین
راهێنەری مانگی رابردووی پریمەرلیگ.