PM:02:40:26/12/2024
148 جار خوێندراوەتەوە
+
-
داهاتووی
راشفۆرد روون نییە و بەرشەلۆنەش لەبەر زۆری مووچەکەی تا ئێستا گرێبەستی پێشکەش
نەکردووە.
مارکوس
ڕاشفۆرد بووەتە یەکێک لە ناوە گەورەکانی بازاڕی پرێمەرلیگ، ئەم یاریزانە لە چەند یاری
ڕابردوودا لە لیستی یونایتد دووخراوەتەوە و بە ئاشکرا ڕایگەیاند کاتی ئەوە هاتووە
ئەزمونێکی نوێ تاقیبکاتەوە.
بەوتەی
ڕۆژنامەنووس فابریزیۆ ڕۆمانۆ، خواستی ئەم یاریزانە ئینگلیزییە جێهێشتنی ئینگلتەرا
و یاریکردنە لە لالیگا، وە لەم نێوەندەدا شوێنی دڵخوازی ئەو بەرشەلۆنەیە چونکە پێی
وایە دەتوانێت لەوێ باشتر تۆپی پێی خۆی پەرە پێبدات بەڵام بەهۆی ئەوەی مووچەکەی 17
ملیۆن یۆرۆیە ئەستمە یانەیەکی ئەو وڵاتە بتوانێت گرێبەستی لەگەڵ واژۆ بکات.
جێی
باسە، میدیاکانی ئینگلتەرا ڕاشفۆردیان بە خولی سعودیە و تەنانەت پاریس سان جێرمانەوە
گرێداوە، کە هەردووکیان دەتوانن یاریزانەکە بگوازنەوە کە مان یونایتد نرخی بە 40
ملیۆن یۆرۆ دیاریکردووە.
بەرشەلۆنە
ئاگاداری ئەم دۆخەیە بەڵام هیچ هەنگاوێکی بۆ ئەم یاریزانە نەناوە سەرەڕای ئەوەی لەوە
تێدەگەن کە ڕاشفۆرد کوالیتییەکی باشی هەیە و شێوازی یاریکردنی لەگەڵ پێداویستییەکانی
تیپەکەدا دەگونجێت، هۆکاری ئەمەش بۆ مووچەکەی دەگەڕێتەوە و تەنیا لە دۆخی ئەوەی
نیوەی مووچەی ئێستای یاریزانەکە بدەن گرێبەستی پێشکەش دەکەن.