AM:01:17:27/11/2024
164 جار خوێندراوەتەوە
+
-
لە چامپیۆنز لیگ بایرن میونشن سێ خاڵی بەرامبەر پاریس بەدەستهێنا و ئینتەر و لیڤەرکوزنیش بردیانەوە.
لە درێژەی یارییەکانی چامپیۆنز لیگ، یانەی بایرن میونشنی ئەڵمانی لە یاری لوتکەدا میوانداری یانەی پاریس سان جێرمانی فەرەنسی کرد.
لە تایمی یەکەمدا و لە خولەکی 38 کیم مین جای گۆڵێکی بۆ بایرن میونشن تۆمارکرد و ئەو تایمە بەو تاکە گۆڵە کۆتاییهات.
لە تایمی دووەمدا، هیچ کام لە هەردوو یانە نەیانتوانی گۆڵ تۆمار بکەن و لە خولەکی 56یشدا عوسمان دیمبلی یاریزانی پاریس بە کارتی سوور کرایە دەرەوە، سەرەنجام بایرن بە گۆڵێکی بێبەرامبەر یاریەکەی بردەوە.
لە یارییەکانی تریشدا، ئینتەر میلانی ئیتاڵی بە گۆڵێکی بێبەرامبەر بردنەوەی بەسەر لایپزیگی ئەڵمانی بەدەستهێنا. بایەر لیڤەرکوزنیش پێنج گۆڵی لە سالزبۆرگ تۆمارکرد.
ئینتەر 13 خاڵی هەیە و لە پێشەنگی ریزبەندی چامپیۆنز لیگدایە، لیڤەرکوزن پلەی پێنجەمی گرتووە و بایرن و پاریس لە پلەکانی 11 و 25 دا دەبینرێن.
خ . ک