AM:01:00:27/11/2024
240 جار خوێندراوەتەوە
+
-
لە چامپیۆنز لیگ بەرشەلۆنە بردنەوەی بەسەر برێست بەدەستهێنا و ئارسناڵ گۆڵبارانی سپۆرتینگی کرد و مان سیتی لەگەڵ فاینۆرد یەکسانبوو.
لە یارییەکانی قۆناغی یەکەمی چامپیۆنز لیگ، یانەی بەرشەلۆنەی ئیسپانی لە یاریگای خۆیدا میوانداری یانەی برێستی فەرەنسی کرد.
تایمی یەکەم بە گۆڵێکی بێبەرامبەر لە سوودی بەرشەلۆنە کۆتاییهات، گۆڵەکەش رۆبێرت لیڤاندۆڤسکی بە لێدانی سزا لە خولەکی 10 تۆماریکرد.
لە تایمی دووەمدا و لە خولەکەکانی 66 و 92 دانی ئۆلمۆ و لیڤاندۆڤسکی دوو گۆڵی تریان بۆ بەرشەلۆنە تۆمارکرد و سەرەنجام یارییەکەیان بە سێ گۆڵی بێبەرامبەر بردەوە.
لە یارییەکانی تریشدا، یانەی ئارسناڵ رووبەڕووی سپۆرتینگ بووەوە و بە ئەنجامی پێنج گۆڵ بەرامبەر گۆڵێک بردنەوەی بەسەردا بەدەستهێنا، ئەتڵانتا شەش گۆڵی لە یەنگ بۆیز تۆمارکرد و مانچستەر سیتی و فاینۆرد بە سێ گۆڵ یەکسانبوون.
بەو ئەنجامانە، بەرشەلۆنە بە کۆکردنەوەی 12 خاڵ لە پلە دووەمی ریزبەندیدایە بە جیاوازی یەک خاڵ لەگەڵ ئەتڵانتای چوارەم، ئارسناڵ و مان سیتی لە پلەکانی حەوتەم و پانزەیەمدان.
خ . ک