PM:03:40:25/11/2024
256 جار خوێندراوەتەوە
+
-
ڤینیسۆس تووشی پێکان بووە و نزیکەی حەوت یاری داهاتووی ریاڵ مەدرید
لەدەستدەدات.
ماڵپەڕی فەرمی یانەی ریاڵ مەدرید
بڵاویکردووەتەوە، پشکنینی پزیشکی بۆ ڤینیسیۆس جونیۆر ئەنجامدراوە، لە ئەنجامی
پشکنینەکاندا دەرکەوتووە ئەستێرەکە تووشی پێکانی ماسوولکەی قاچی چەپ بووە، وە
دواتر هەڵسەنگاندنی تەواوی بۆ دۆخی تەندروستی یاریزانەکە دەکرێت.
لەلایەکی تریشەوە، رادیۆی کۆپ بڵاویکردووەتەوە، ڤینی بۆ ماوەی سێ
هەفتە لە یاریگاکان دادەبڕێت و بەشداری یارییەکانی بەرامبەر لیڤەرپوول و ئەتڵانتا
لە چامپیۆنز لیگ ناکات، وە بێبەشیش دەبێت لە یارییەکانی خیتافی و جیرۆنا و رایۆ
ڤایکانۆ و ئەتلەتیک بلباو لە خولی ئیسپانیا.
لە ئێستادا یاریزانەکە لەژێر چاودێری پزیشکەکاندا دەبێت و چارەسەرێکی دیاریکراو
بۆ چاکبوونەوەی پەیڕەو دەکات، وە پێشکەوتنی ئەو یاریزانە کاتی گەڕانەوەی دیاری دەکات،
بەڵام پێشبینییەکان بۆ ماوەی دوورکەوتنەوەی بریتیە لە ماوەی سێ هەفتە تا مانگێک.