PM:10:33:24/11/2024
272 جار خوێندراوەتەوە
+
-
لە خولی ئیسپانیا ریاڵ مەدرید بە سێ گۆڵی
بێوەڵام شکستی بە لیگانێس هێنا و هەنگاوێک لە بەرشەلۆنە نزیک بوەوە.
لە یارییەکانی هەفتەی 14یەمی خولی ئیسپانیا
ریاڵ مەدرید بووە میوانی یانەی لیگانێس.
لە تایمی یەکەم، کوڕانی ریاڵ بە تەواوی
کۆنترۆڵی یارییەکەیان کردبوو بەڵام گۆڵکردنیان کەوتە کۆتایی تایمەکە کاتێک لە
خولەکی 43 لەڕێگای مباپێوە بە گۆڵێک پێشکەوتن.
لە تایمی دووەم، کوڕانی ئەنچیلۆتی دووبارە
باشتر بینران، ئەمجارە تایمی سەرکەوتوتریان هەبوو لەرووی گۆڵکردنەوە و لە خولەکی
66 ڤاڵڤێردی دووەم گۆڵی بۆ تۆمارکردن، لە خولەکی 85یش لەڕێگای جود بێلینگهامەوە
بوون بە خاوەن گۆڵی سێییەم.
سەرەنجامیش ریاڵ مەدرید یارییەکەی بە سێ گۆڵی
بێوەڵام بردەوە و خاڵەکانی لە دووەمی ریزبەندی بوون بە 30 خاڵ، لیگانێسیش 14 خاڵی
هەیە لە پلەی 14یەم.