PM:06:48:24/11/2024
208 جار خوێندراوەتەوە
+
-
پێریز رایگەیاند
یاریزانێکی ریاڵ مەدرید شایەنی بردنەوەی باڵۆند دۆر بووە و سیستەمە نوێیەکەی
چامپیۆنز لیگ کەس لێی تێناگات.
فلۆرێنتینۆ
پێرێزی سەرۆکی ریاڵ مەدرد لە کۆبوونەوەی ئەندامانی ریاڵ مەدرید وتی: رۆدری
یاریزانێکی نایابە و رێز و خۆشەویستیم بۆی هەیە ، بەڵام ئەمساڵ تۆپی ئاڵتوونی
شایستەی یاریزانێکی ریاڵ مەدرید بوو، لە کاتێکدا ئاستی ساڵی رابردووی رۆدری شایەنی
باڵۆن دۆر بوو.
ئاماژەی
بەوەشکرد، چامپیۆنز لیگی نوێ دەریخست چارەسەر نییە، سیستەمێکە کە 36 یانەیە و کەس
لێی تێناگات و بەهای یارییەکان دابەزیوە، هەروەها کاریگەری لەسەر تەندروستی
یاریزنەکان هەیە
دەشڵێت: تۆپی پێ بە ڕێگایەکی هەڵەدا دەڕوات، هاندەران بەدەست زۆری تێچووی
سەیرکردنی تۆپی پێ دەناڵێنن، هەروەها ئەمە کاریگەری لەسەر پێکانی یاریزانان هەیە،
بۆ نمونە بێلینگهام لە ئێستادا 251 یاری ئەنجامداوە، بێکهام لەو تەمەنەدا تەنیا 54
یاری ئەنجامدابوو.
جەختیشیکردەوە،
پێشنیاریکردنی پرۆژەی سوپەر لیگ بۆ گۆڕینی مێژووی تۆپی پێ و سود گەیاندنە بە
وەرزشەکە، ئێستاش لە هەموو کاتێک گەشبینترە کە پرۆژەکە سەربگرێت.
پێرێز وتیشی: ئێمە ڕیاڵ مەدریدین و هەرگیز وازناهێنین، سوپاس بۆ هەموو ئەو کارانەی
کە بۆ ئەم یانەیە ئەنجامی دەدەن، شانازییەکی گەورەیە کە ئەندامی ڕیاڵ مەدرید بم و
لە سەرووی هەمووشیانەوە سەرۆکی ڕیاڵ مەدرید بم.
بیلال کاکە