PM:09:37:13/11/2024
1068 جار خوێندراوەتەوە
+
-
پۆگبا و یۆڤانتۆس گەیشتونەتە قۆناغی کۆتایی جیابونەوەیان و چوار وێستگەش چاوەڕێی ئەو یاریزانەیە.
دوای ئەوەی لە چەند هەفتەی رابردوودا سزا درێژخایەنەکەی سەر پۆل پۆگبا بۆ تەناها 18 مانگ کەمکرایەوە و ئەو یاریزانە دەتوانێت لە مانگی سێی ساڵی داهاتوودا دەستبکاتەوە بە یاریکردن، یانەی یۆڤانتۆس هەوڵەکانی بۆ بەڕێکردنی ئەو یاریزانە دەستپێکرد.
لە نوێترین پێشهاتدا، تۆڕی سکای سپۆرت بڵاویکردووەتەوە، گفتوگۆکانی نێوان کارگێڕی یانەی یۆڤانتۆس و ئەستێرە فەرەنسیەکە گەیشتووەتە کۆتایی بۆ هەڵوەشاندنەوەی گرێبەستەکەی نێوانیان.
تۆڕەکە ئاماژەی بەوەداوە، پۆگبا دەیەوێت بە خێرایی بگەڕێتەوە یاریگاکان و لە ئێستاشدا چوار ئۆفەری پێشکەش کراوە کە یەکێکیان یانەی مارسیلیای فەرەنسیە.
رونیشیکردووەتەوە، ئەو یاریزانە ئۆفەری تری پێشکەشکراوە لەلایەن یانەیەکی ئەمریکی و یانەیەکی عەرەبی، جگە لەوەش یانەیەکی پریمەر لیگیش دەیەوێت ئەو یاریزانە بگەڕێنێتەوە خولی ئینگلتەرا بەڵام ناوەکانیان ئاشكرا نەکراون.
خ . ک