PM:05:55:08/11/2024
256 جار خوێندراوەتەوە
+
-
سبەینێ لە خولی
ئیسپانیا ریاڵ مەدرید میوانداری ئۆساسۆنا دەکات و لە پریمەر لیگ مان سیتی و
لیڤەرپوڵ بەجیا یاریان هەیە.
یارییەکانی خولە
ناوخۆییەکانی ئەوروپا بەردەوامیان هەیە و سبەینێ لە هەفتەی 13ی خولی ئیسپانیا،
یانەی ریاڵ مەدرید لە یاریگای خۆیدا میوانداری یانەی ئۆساسۆنا دەکات.
ریاڵ مەدرید کە لە
ئێستادا بە بارودۆخێکی خراپدا تێدەپەڕێت ئامانجی ئەوەیە بگەڕێتەوە سەر سکەی
بردنەوەکان تا بتوانێت جیاوازیەکەی لەگەڵ بەرشەلۆنەی پێشەنگ کەمبکاتەوە.
یانەی شاهانە
دوایین یاری خۆی لە خولی ئیسپانیا بەرامبەر بەرشەلۆنە بووە لە کلاسیکۆدا و بە
ئەنجامی چوار گۆڵی بێبەرامبەر پێی دۆڕاوە، دواتریش یاریەکەی بەرامبەر ڤالانسیا
دواخرا.
هەر سبەینێ بەڵام
لە خولی ئینگلتەرا و لە کاتژمێر هەشت و 30 خولەکدا، یانەی مانچستەر سیتی لە
دەرەوەی یاریگای خۆی دەبێتە میوانی برایتۆن، دواتریش لیڤەرپوڵ لە یاریەکی بەهێزدا
رووبەڕووی ئەستۆن ڤێلا دەبێتەوە.
لە خولی ئیتاڵیاش،
یانەکانی ئەی سی میلان و یۆڤانتۆس بەرامبەر کالیاری و تۆرینۆ یاریدەکەن، لە خولی
ئەڵمانیاش بایرن میونشن و بایەر لیڤەرکوزن و بروسیا دۆرتمۆند رووبەڕووی سانت پاولی
و بوخۆم و ماینز دەبنەوە.
خ . ک